دمک اٹھی ہے فضا ماہتاب خواب کے ساتھ
دمک اٹھی ہے فضا ماہتاب خواب کے ساتھ
دھڑک رہا ہے یہ دل کس رباب خواب کے ساتھ
ہٹے غبار جو لو سے تو میری جوت جگے
جلوں میں پھر سے نئی آب و تاب خواب کے ساتھ
ہے سو اداؤں سے عریاں فریب رنگ انا
برہنہ ہوتی ہے لیکن حجاب خواب کے ساتھ
تو کیوں سزا میں ہو تنہا گناہ گار کوئی
یہاں تو جیتے ہیں سب ارتکاب خواب کے ساتھ
شرار سنگ سے سنگلاخ ہو گئے تلوے
ہوا نہ کچھ دل خانہ خراب خواب کے ساتھ
سلائے رکھا ہمیں بھی فریب منزل نے
چلے تھے ہم بھی کسی ہمرکاب خواب کے ساتھ
سراغ ملتا نہیں پیاس کے سفینوں کا
بھنور بھی ہوتے ہیں شاید سراب خواب کے ساتھ
حقیقتوں کی چٹانوں پہ چل گیا جادو
لو وہ بھی چلنے لگیں اب سحاب خواب کے ساتھ
عجب نہیں وہی منظر نظارہ بن جائے
ڈرا رہا ہے یہ ڈر اضطراب خواب کے ساتھ
دراڑیں رہ گئیں بیداریوں کے نقشے پر
نہ ہم رہے نہ وہ تم انقلاب خواب کے ساتھ
نگاہ دیدۂ تعبیر کے حوالے خلشؔ
ہے یہ بیاض الگ انتخاب خواب کے ساتھ
بدر عالم خلش 
(822) ووٹ وصول ہوئے
Damak UThi Hai Faza Mahtab-e-KHwab Ke Sath In Urdu By Famous Poet Badr-e-Alam Khalish. Damak UThi Hai Faza Mahtab-e-KHwab Ke Sath is written by Badr-e-Alam Khalish. Enjoy reading Damak UThi Hai Faza Mahtab-e-KHwab Ke Sath Poem on Inspiration for Students, Youth, Girls and Boys by Badr-e-Alam Khalish. Free Dowlonad Damak UThi Hai Faza Mahtab-e-KHwab Ke Sath by Badr-e-Alam Khalish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends