Dastan-e-gham Tujhe Batlaen Kya
dastan-e-gham tujhe batlaen kya
zaKHm sine ke tujhe dikhlaen kya
sochte hain bhul jaen sarzanish
muddaton ki baat ab jatlaen kya
log us ki baat to sunte nahin
KHizr ko jangal se hum bulwaen kya
roz tum wada naya le lete ho
pas in wadon ka hum rakh paen kya
muflisi ne ja-ba-ja luTa hamein
ab bacha kuchh bhi nahin luTwaen kya
Babar Rahman Shah 
(856) Peoples Rate This