مسئلے زیر نظر کتنے تھے
مسئلے زیر نظر کتنے تھے
اہل دل اہل ہنر کتنے تھے
حشر آئے تو یہی فیصلہ ہو
کتنے انساں تھے بشر کتنے تھے
کاسۂ چشم میں امید لئے
جو بھی تھے خاک بسر کتنے تھے
ساری بستی میں مکاں تھے بے حد
جو کھلے رہتے تھے در کتنے تھے
وہ جو آسائشوں میں تلتے تھے
سنگ مرمر کے وہ گھر کتنے تھے
تجھ کو پائیں تجھے کھو بیٹھیں پھر
زندگی ایک تھی ڈر کتنے تھے
کتنے دریا تھے کنارے کتنے
منزلیں کتنی سفر کتنے تھے
ہر طرف دھوپ کی یلغاریں تھیں
ہر طرف موم کے گھر کتنے تھے
کتنی آنکھوں نے گواہی دی تھی
دھوپ کتنی تھی شجر کتنے تھے
کتنے شبخون ابھی تاک میں ہیں
لٹ گئے تھے جو نگر کتنے تھے
وقت کی گرد یہ قدموں کے نشاں
سوچ لو بار دگر کتنے تھے
کچی بستی کے مکیں بھی گن لو
شہر میں صاحب زر کتنے تھے
عذرا وحید 
(993) ووٹ وصول ہوئے
Masale Zer-e-nazar Kitne The In Urdu By Famous Poet Azra Waheed. Masale Zer-e-nazar Kitne The is written by Azra Waheed. Enjoy reading Masale Zer-e-nazar Kitne The Poem on Inspiration for Students, Youth, Girls and Boys by Azra Waheed. Free Dowlonad Masale Zer-e-nazar Kitne The by Azra Waheed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends