یہ دماغ
یہ دماغ سوتا ہی رہتا ہے
میلے ملگجے کپڑوں کی گٹھری
ایک اونگھتا ہوا کاہل وجود
نشے کی عادت سے بے کار
یہ دماغ سوتا ہی رہتا ہے
اہم کانفرنسوں میں
خاص مجلسوں میں
کوئی حادثہ ہونے والا ہو
یا کوئی تبدیلی آنے والی ہو
کونے میں گمڑی مارے پڑا رہتا ہے
سوچے ہوئے ایک عرصہ ہوا
معدے میں جلن ہوتی تھی
تو چل دیتا تھا کھوجنے کے لئے
زیادہ ہاتھ پاؤں پھر بھی نہیں مارتا تھا
گمڑی مارے ہوئے
کھوجنے کے لئے سوچنا
اس کے بس سے باہر تھا
پوچھے کوئی اس تھکے ہوئے سے
یہ کب بیدار ہوگا
کاہل
بے کار
گمڑی مارے ہوئے
ناکارہ
میلے ملگجے کپڑوں کی گٹھری
یہ دماغ
عذرا عباس 
(1068) ووٹ وصول ہوئے
Ye Dimagh In Urdu By Famous Poet Azra Abbas. Ye Dimagh is written by Azra Abbas. Enjoy reading Ye Dimagh Poem on Inspiration for Students, Youth, Girls and Boys by Azra Abbas. Free Dowlonad Ye Dimagh by Azra Abbas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends