ٹوٹی ہوئی رسی
اب وہ سفر میں ساتھ لے جانے والے
بستر بند کے کام آتی ہے
اور کبھی کبھی بچے اپنی ٹوٹی ہوئی
بے پہیوں کی گاڑی سے
اسے باندھ دیتے ہیں
بہت دن پہلے
وہ دو دلوں سے بندھی تھی
جب چیونٹیاں دکھاتی تھیں اس پر
اپنی بازی گری
منہ میں غذا دبائے
ادھر سے ادھر اٹھلاتی ہوئی
کبھی کبھی پرندے
اپنی اپنی اڑانوں سے تھک کر
اس پر بیٹھ جاتے تھے
جب یہ بھیگتی تھی
بارشوں میں
سینکتی تھی بہاروں کی دھوپ
کبھی کبھی یہ بن جاتی تھی
رنگ برنگ کے کپڑوں کی الگنی
ٹوٹی ہوئی رسی سے جڑے
دل
اب کہاں ہیں؟
عذرا عباس 
(1123) ووٹ وصول ہوئے
TuTi Hui Rassi In Urdu By Famous Poet Azra Abbas. TuTi Hui Rassi is written by Azra Abbas. Enjoy reading TuTi Hui Rassi Poem on Inspiration for Students, Youth, Girls and Boys by Azra Abbas. Free Dowlonad TuTi Hui Rassi by Azra Abbas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends