میل اتارنا مشکل لگتا ہے
سارے دن کے میل کو
جسم سے اتارنا مشکل لگتا ہے
سر کو دن بھر کی دھول سے
فارغ کرنا
اور پھر گردن کے کالے دائرے کو
ہلکا کرنا
صابن کے بلبلوں سے
پھر آہستہ آہستہ ان گولائیوں کی طرف
بڑھنا
جن پر میل کبھی نہیں چڑھتا
ذرا سی ترچھی
ایک طرف کو جھکی ہوئی
سدا کی چمکی چمکائی
انہیں میں اب نہیں دھوتی
پھر ابھرے ہوئے پیٹ پر
برسوں کا پسینہ
جمے ہوئے چیونگ گم کی طرح
کبھی نہیں اترتا
صابن کے جھاگ کے بلبلے تیزی سے
اس پر پھوٹتے رہتے ہیں
اور پھر بے ہنگم کولھوں کی
باری آتی ہے
کبھی جب میں چلتی تھی
تو سرپھرے پلٹ پلٹ کر
ان کے اترنے چڑھنے کو
گھورتے رہتے تھے
ناف سے لے کر ناخنوں تک
صابن بے ڈول جھاگ بناتا ہے
جھاگ اور پوروں کی آنکھ مچولی
جو میل پسینہ بن کر بہہ جاتی ہے
اب جسم سے میل اتارنا
مشکل لگتا ہے
عذرا عباس 
(972) ووٹ وصول ہوئے
Mel Utarna Mushkil Lagta Hai In Urdu By Famous Poet Azra Abbas. Mel Utarna Mushkil Lagta Hai is written by Azra Abbas. Enjoy reading Mel Utarna Mushkil Lagta Hai Poem on Inspiration for Students, Youth, Girls and Boys by Azra Abbas. Free Dowlonad Mel Utarna Mushkil Lagta Hai by Azra Abbas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends