فی میل بل فائٹر
کیا رات میں بستر خالی رکھنا اچھا ہوتا ہے
بہت تندہی سے کام کر رہے ہو
ذرا بھی ادھر نہیں دیکھ رہے
دیکھو ادھر دیکھو
یہاں جہاں میں پڑی ہوئی ہوں
تمہاری پینٹنگز کی کتابوں کی طرح
جنہیں تم نے کل کے لئے اٹھا رکھا ہے
ٹھیک ہے کہہ لو مجھے بے شرم
اب صرف یہ انڈرویئر باقی ہے
اسے بھی اتار پھینکوں
تو کیا تم مڑ کے دیکھ لو گے دیکھو
میں اپنی انڈرویئر بھی تمہاری طرف پھینک رہی ہوں
کل بھی تم نے یہی کیا تھا
میں تمہارے انتظار میں لیٹے لیٹے سو گئی
اور نیند میں
توبہ تمہیں اپنا خواب سناتے ہوئے بھی
میرے پسینے چھوٹ رہے ہیں
خواب میں بہت سے لوگ
ایک بل سے میری لڑائی دیکھ رہے ہیں
وہ اپنی سینگیں
میرے جسم کے ہر حصے سے
ٹکرا رہا ہے
میں خوف زدہ ہوتے ہوئے بھی
اس کی سینگوں کے وار اپنے جسم پر پڑتے ہوئے
خوش ہو رہی ہوں
تمام تر اذیت کے باوجود
لذتوں کے لہو میں نہائی ہوئی
لہولہان ہوتے ہوئے ایک بار میں نے
اسے اپنے اوپر چڑھا ہی لیا
سینگوں کو پکڑتے ہوئے
میری آنکھ کھل گئی
میں زمین پر چت پڑی تھی
تمہاری مصروفیت نے تو میری جان ہی لے لی ہے
عذرا عباس 
(948) ووٹ وصول ہوئے
Female Bull-fighter In Urdu By Famous Poet Azra Abbas. Female Bull-fighter is written by Azra Abbas. Enjoy reading Female Bull-fighter Poem on Inspiration for Students, Youth, Girls and Boys by Azra Abbas. Free Dowlonad Female Bull-fighter by Azra Abbas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends