اعتراف
یہ سب داستانوں میں لکھا ہے
یا فرضی کہانیوں میں
تم نے مجھ سے محبت کی ہے
تم روز صبح سے شام تک
یہ ایک لفظ دہراتے ہو
اور مجھے اپنی محبت کا
یقین دلاتے ہو
لیکن مجھے معلوم ہے
اس لفظ کے کیا معنی ہیں
جب تم اس کے معنی
بتا چکو گے
تو یہ لفظ تمہارے گلے میں
سوکھے تھوک کی طرح
چپک جائے گا
اور میرے لیے تم اسے
کبھی ادا نہ کرو گے
اس سے پہلے بھی یہی ہوتا رہا ہے
اس نے بھی مجھ سے پہلی بار
محبت کا اعتراف کرتے ہوئے
میرے کان سونگھے تھے
پھر میرے پستانوں کو ٹٹولا تھا
تیسری بار وہ میرے کپڑے
اتار چکا تھا
اور پھر اس نے مجھے
اس اعتراف کا موقع
کبھی نہیں دیا!!
عذرا عباس 
(1446) ووٹ وصول ہوئے
Etiraf In Urdu By Famous Poet Azra Abbas. Etiraf is written by Azra Abbas. Enjoy reading Etiraf Poem on Inspiration for Students, Youth, Girls and Boys by Azra Abbas. Free Dowlonad Etiraf by Azra Abbas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends