ایک نظم روز آتی ہے
وہ آتی ہے
روز میرے بہت قریب
مجھے سہلاتی ہے
گدگداتی ہے
اٹھو۔۔۔ اٹھو۔۔۔
میں حیرت اور خوشی سے
اسے دیکھتی ہوں
تم کب آئیں؟
ابھی۔۔۔ ابھی تو آئی ہوں۔۔۔
وہ میرے سینے پر اپنا سر رکھ دیتی ہے
میرے پستانوں سے کھیلتی ہے
میرے ہونٹوں کو چوستی ہے
میری ناف کے نیچے
بہت نیچے۔۔۔
میری سانس اوپر کی اوپر رہ جاتی ہے
میں کنواریوں کی طرح
تلملاتی ہوں
بل کھاتی ہوں
وہ مجھے اٹھاتی ہے
میرے کپڑے ایک ایک کر کے اتارتی ہے
وہ میری آنکھوں میں آنکھیں ڈال کر
ہنستی ہے
اٹھو۔۔۔
میں بڑبڑاتی رہتی ہوں
ایسی ہی بے سدھ
حیرت سے اور خوشی سے
اٹھو۔۔۔
وہ میری گردن میں بانہیں ڈال کر
کہتی ہے
وہ مجھے دور سے دیکھتی ہے
اور کینوس پر مری مادر زاد
تصویر بناتی ہے
میں بے سدھ پڑی رہتی ہوں
اس ڈر سے کہ کہیں وہ چلی نہ جائے
میں اسے ڈبونا چاہتی ہوں
ایک ہی وار پر اس پر چڑھ دوڑنا
اس پر بلبلا کر حملہ کرنا
میں بھی چاہتی ہوں۔۔۔ اسے ایسے ہی
اپنی گرفت میں لے آؤں
لیکن اس سے پہلے کہ
میں حرکت کروں
وہ چھم چھم کرتی
کھڑکی یا دروازے سے باہر
بھاگ جاتی ہے
میں بے سدھ
حیرت اور خوف سے
اور ملامت سے
آنکھیں پھاڑے اسے دیکھتی
رہتی ہوں
وہ چلی جاتی ہے
روز ایسا ہی ہوتا ہے
عذرا عباس 
(943) ووٹ وصول ہوئے
Ek Nazm Roz Aati Hai In Urdu By Famous Poet Azra Abbas. Ek Nazm Roz Aati Hai is written by Azra Abbas. Enjoy reading Ek Nazm Roz Aati Hai Poem on Inspiration for Students, Youth, Girls and Boys by Azra Abbas. Free Dowlonad Ek Nazm Roz Aati Hai by Azra Abbas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends