AaKHiri Rusumat Ke Dauran
tumhein yaad hai
mohabbat ki aaKHiri rusumat ke dauran
tanhai ke ek jangal mein
main ne tumhein mohabbat ka aaKHiri tohfa bhi diya tha
mere kunware-pan ki KHushbu
tumhaare pasine mein gundh gai thi
wo sham
pahle bose se shurua
hui thi
aur andhere ki nazr ho gai thi
lekin mohabbat
be-saKHtagi ke is war par
KHush thi
mohabbat apni jit ka jashn mana rahi thi
kya ye yaad tumhaare liye
ek tohfa nahin hai
jo us din tumhein mila tha
Azra Abbas 
(981) Peoples Rate This