مجھے کل اچانک خیال آ گیا آسماں کھو نہ جائے
مجھے کل اچانک خیال آ گیا آسماں کھو نہ جائے
سمندر کو سر کرتے کرتے کہیں بادباں کھو نہ جائے
کوئی نا مرادی کی یلغار سینے کو چھلنی نہ کر دے
کہیں دشت انفاس میں صبر کا کارواں کھو نہ جائے
یہ ہنستا ہوا شور سنجیدگی کے لیے امتحاں ہے
سو محتاط رہنا کہ تہذیب آہ و فغاں کھو نہ جائے
اسے وقت کا جبر کہیے کہ بیچارگی جسم و جاں کی
مکاں کھونے والوں کو ڈر ہے کہ اب لا مکاں کھو نہ جائے
میں اپنے ارادوں کی گٹھری اٹھائے کہیں جا نہ پایا
ہمیشہ یہ دھڑکا رہا محفل دوستاں کھو نہ جائے
یہ قصوں کی رم جھم میں بھیگا ہوا حلقۂ گفتگو ہے
یہاں چپ ہی رہنا کہ تاثیر لفظ و بیاں کھو نہ جائے
یہاں کس کو فرصت کہ آغاز و انجام کو یاد رکھے
سبھی کو یہ تشویش ہے وقت کا درمیاں کھو نہ جائے
یہ بازار نفع و ضرر ہے یہاں بے-توازن نہ ہونا
سمیٹو اگر سود تو دھیان رکھنا زیاں کھو نہ جائے
اٹھو عزمؔ اس آتش شوق کو سرد ہونے سے روکو
اگر رک نہ پائے تو کوشش یہ کرنا دھواں کھو نہ جائے
عزم بہزاد 
(1088) ووٹ وصول ہوئے
Mujhe Kal Achanak KHayal Aa Gaya Aasman Kho Na Jae In Urdu By Famous Poet Azm Bahzad. Mujhe Kal Achanak KHayal Aa Gaya Aasman Kho Na Jae is written by Azm Bahzad. Enjoy reading Mujhe Kal Achanak KHayal Aa Gaya Aasman Kho Na Jae Poem on Inspiration for Students, Youth, Girls and Boys by Azm Bahzad. Free Dowlonad Mujhe Kal Achanak KHayal Aa Gaya Aasman Kho Na Jae by Azm Bahzad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends