کمال یہ ہے کہ دنیا کو کچھ پتہ نہ لگے
کمال یہ ہے کہ دنیا کو کچھ پتہ نہ لگے
ہو التجا بھی کچھ ایسی کہ التجا نہ لگے
پرانی باتیں ہیں اب ان کا ذکر بھی چھوڑو
اگر کسی کو سناؤں تو اک فسانہ لگے
وہ ایک لمحہ تھا جس نے کیا مجھے بسمل
میں داستان بتاؤں تو اک زمانہ لگے
بسے ہیں جلوے کچھ ایسے نگاہ عاشق میں
جسے بھی دیکھے کوئی تجھ سے ماسوا نہ لگے
نہ جانے کون سی منزل پہ عشق آ پہونچا
دعا بھی کام نہ آئے کوئی دوا نہ لگے
فریب رہ کے بھی محرومیاں مقدر تھیں
نظر اٹھاؤں تو اس کو کہیں برا نہ لگے
یہ کائنات کی سچائی اب کہاں ڈھونڈوں
سہانی رات کا منظر ہو اور سہانا لگے
میں دور بیٹھا تھا صحرا میں اک امید لیے
اسے بتاؤں تو یہ سچ بھی اک بہانہ لگے
بنا لیا ہے اک آئینہ اپنے دل کو شہیدؔ
مجھے تو شہر میں اب کوئی بے وفا نہ لگے
عزیز الرحمن شہید فتح پوری 
(1476) ووٹ وصول ہوئے
Kamal Ye Hai Ki Duniya Ko Kuchh Pata Na Lage In Urdu By Famous Poet Aziz-ur-Rahman Shaheed Fatehpuri. Kamal Ye Hai Ki Duniya Ko Kuchh Pata Na Lage is written by Aziz-ur-Rahman Shaheed Fatehpuri. Enjoy reading Kamal Ye Hai Ki Duniya Ko Kuchh Pata Na Lage Poem on Inspiration for Students, Youth, Girls and Boys by Aziz-ur-Rahman Shaheed Fatehpuri. Free Dowlonad Kamal Ye Hai Ki Duniya Ko Kuchh Pata Na Lage by Aziz-ur-Rahman Shaheed Fatehpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends