دہر میں اک ترے سوا کیا ہے
دہر میں اک ترے سوا کیا ہے
تو نہیں ہے تو پھر بھلا کیا ہے
صلۂ ذوق مے کشی معلوم
ظرف کیا شے ہے حوصلہ کیا ہے
حاشیے اپنے متن ہے ان کا
محتسب پھر سزا جزا کیا ہے
پوچھتا ہوں ہر ایک سائے سے
چاندنی کا اتا پتا کیا ہے
ان کو ہے دعویٰ مسیحائی
جو نہیں جانتے شفا کیا ہے
کس لئے گردش مدام میں ہیں
آسمانوں کو یہ ہوا کیا ہے
لے اڑے گی بلند پروازی
دوستو سایۂ ہما کیا ہے
اتنی افراط ایسی محرومی
دینے والے معاملہ کیا ہے
سیل شام و سحر میں بہتے ہیں
کیا خبر زیست کیا قضا کیا ہے
ہم ہی چپ ہو گئے تمنائیؔ
دے رہا ہے کوئی صدا کیا ہے
عزیز تمنائی 
(939) ووٹ وصول ہوئے
Dahr Mein Ek Tere Siwa Kya Hai In Urdu By Famous Poet Aziz Tamannai. Dahr Mein Ek Tere Siwa Kya Hai is written by Aziz Tamannai. Enjoy reading Dahr Mein Ek Tere Siwa Kya Hai Poem on Inspiration for Students, Youth, Girls and Boys by Aziz Tamannai. Free Dowlonad Dahr Mein Ek Tere Siwa Kya Hai by Aziz Tamannai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends