تمیز اپنے میں غیر میں کیا تمہیں جو اپنا نہ کر سکے ہم
تمیز اپنے میں غیر میں کیا تمہیں جو اپنا نہ کر سکے ہم
ہر ایک محفل ہوئی گوارا تمہاری محفل سے کیا اٹھے ہم
سحر پشیمان آرزو ہیں چراغ شب تھے سو جل بجھے ہم
خراج اشکوں کا خون دل سے جو ہم کو لینا تھا لے چکے ہم
نہ شمع کانپی نہ گیت ڈوبے اٹھے جو ہم ان کی انجمن سے
چلو بس اچھا ہوا کہ ایسے کہاں کے محفل فروز تھے ہم
نہ ہم سیاہی نہ ہم اجالا چراغ ہیں اشک آرزو کے
کہ ہم سر دشت بے کراں ہیں سلگتے رہتے ہیں شام سے ہم
نظر اٹھاؤ تو جھوم جائیں نظر جھکاؤ تو ڈگمگائیں
تمہاری نظروں سے سیکھتے ہیں طریق موت و حیات کے ہم
کریں جو شکوہ زباں کہاں ہے زباں میں تاب فغاں کہاں ہے
کہاں کا پردیس کیسی غربت وطن کی گلیوں میں لٹ گئے ہم
ہماری روداد مختصر ہے وفا کہاں کی جفا کہاں کی
برنگ گل مسکرا دیے وہ بہ طرز شبنم بکھر گئے ہم
عزیز قیسیؔ کہاں رہے تو کہ رات اس بت کی انجمن میں
ہجوم نغمہ میں ذکر سن کر کسی دوانے کا رو پڑے ہم
عزیز قیسی 
(1051) ووٹ وصول ہوئے
Tamiz Apne Mein Ghair Mein Kya Tumhein Jo Apna Na Kar Sake Hum In Urdu By Famous Poet Aziz Qaisi. Tamiz Apne Mein Ghair Mein Kya Tumhein Jo Apna Na Kar Sake Hum is written by Aziz Qaisi. Enjoy reading Tamiz Apne Mein Ghair Mein Kya Tumhein Jo Apna Na Kar Sake Hum Poem on Inspiration for Students, Youth, Girls and Boys by Aziz Qaisi. Free Dowlonad Tamiz Apne Mein Ghair Mein Kya Tumhein Jo Apna Na Kar Sake Hum by Aziz Qaisi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends