انتہائے عشق ہو یوں عشق میں کامل بنو
انتہائے عشق ہو یوں عشق میں کامل بنو
خاک ہو کر بھی نشان سرحد منزل بنو
میرے شکوؤں پر یہ کہنا رحم کے قابل بنو
مدعا یہ ہے کہ اپنے حال سے غافل بنو
غرق ہو کر رول لو موتی خود اپنے واسطے
ڈوب کر ابھرو تو اوروں کے لیے ساحل بنو
انجمن کیسی تم اپنی ذات سے ہو انجمن
گوشۂ خلوت میں بھی بیٹھو تو اک محفل بنو
حسن خود بیں معجزات عشق کا قائل نہیں
قطرہ ہائے اشک خونیں جمع ہو کر دل بنو
ساتھ آزادی کے خود داری بھی رہنا چاہئے
بحر بے پایاں کبھی لب خشکئ ساحل بنو
علم کا دورہ لہو کے ساتھ رگ رگ میں رہے
جوہر قابل اگر ہو قوت عامل بنو
شرم سے تم کو سمٹنا ہے تو سمٹو حسن سے
دل میں بن جاؤ سویدا پتلیوں میں تل بنو
ربط باطن کیا سنو تفصیل اس اجمال کی
ہم سراپا درد ہوں اور تم سراپا دل بنو
جلنے والو تا بہ امکاں ضبط سوز غم کرو
آگ جب بھڑکے چراغ سرحد منزل بنو
کچھ دنوں بیٹھو سر قبر عزیزؔ بے نوا
خانقاہوں میں بہت دشوار ہے کامل بنو
عزیز لکھنوی 
(892) ووٹ وصول ہوئے
Intiha-e-ishq Ho Yun Ishq Mein Kaamil Bano In Urdu By Famous Poet Aziz Lakhnavi. Intiha-e-ishq Ho Yun Ishq Mein Kaamil Bano is written by Aziz Lakhnavi. Enjoy reading Intiha-e-ishq Ho Yun Ishq Mein Kaamil Bano Poem on Inspiration for Students, Youth, Girls and Boys by Aziz Lakhnavi. Free Dowlonad Intiha-e-ishq Ho Yun Ishq Mein Kaamil Bano by Aziz Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends