پھول جو دل کی رہ گزر میں ہے
پھول جو دل کی رہ گزر میں ہے
جانے کس کے وہ انتظار میں ہے
فکر بھی لطف انتظار میں ہے
بے قراری بھی کچھ قرار میں ہے
زندگی تجھ سے کیا امید رکھوں
تو کہاں میرے اختیار میں ہے
اپنا دشمن ہے یہ جہاں سارا
کتنی طاقت ہمارے پیار میں ہے
کوئی حرکت نہیں ہے ڈالی میں
کیا پرندے کے انتظار میں ہے
کر سکو تو اسے کرو محسوس
ایک لذت جو نوک خار میں ہے
وہ جو آگے تھا جاں نثاروں میں
سب سے پیچھے وہی قطار میں ہے
دھول بھی معتبر ہے رستے کی
کارواں کا نشاں غبار میں ہے
امن اور آشتی سے اس کو کیا
اس کا مقصد تو انتشار میں ہے
درد تو انگلیوں سے ملتا ہے
ورنہ آواز تو ستار میں ہے
کل بھی وہ میرا منتظر تھا عزیزؔ
آج بھی میرے انتظار میں ہے
عزیز انصاری 
(850) ووٹ وصول ہوئے
Phul Jo Dil Ki Rahguzar Mein Hai In Urdu By Famous Poet Aziz Ansari. Phul Jo Dil Ki Rahguzar Mein Hai is written by Aziz Ansari. Enjoy reading Phul Jo Dil Ki Rahguzar Mein Hai Poem on Inspiration for Students, Youth, Girls and Boys by Aziz Ansari. Free Dowlonad Phul Jo Dil Ki Rahguzar Mein Hai by Aziz Ansari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends