Ajib Lagta Hai Yunhi Bichha Hua Bistar
ajib lagta hai yunhi bichha hua bistar
ye ek umr se KHali paDa hua bistar
suna raha hai kahani hamein makinon ki
makan ke sath ye aadha jala hua bistar
na-jaane kaun sa lamha bina-e-hijrat ho
main kholta hi nahin hun bandha hua bistar
udasiyan na shikan-dar-shikan nazar aatin
tere wajud se hota bhara hua bistar
uDa raha hai hamari mohabbaton ka mazaq
ye ek-duje se haT kar kiya hua bistar
Azhar Abbas 
(827) Peoples Rate This