بیچ دلوں میں اترا تو ہے
بیچ دلوں میں اترا تو ہے
درد ترا البیلا تو ہے
روپ ترا اے راجکماری
جیسے میری رچنا تو ہے
چاند کو تم آواز تو دے لو
ایک مسافر تنہا تو ہے
سرجن ہارا سرجن ہارا
تجھ بن بالک بلکا تو ہے
سر عالم کچھ کچھ ہم نے
سوچا تو ہے جانا تو ہے
کتنی صبحیں برہم ہوں گی
شعلہ امشب بھڑکا تو ہے
کہنے والے کہتا جا تو
سننے والا سنتا تو ہے
مزد کبھی برباد نہ ہوگی
نزد و دور یہ چرچا تو ہے
مرگ کو یوں بے نام نہ سمجھو
ایک تخیل اجلا تو ہے
صبح عشق اکیلی کب ہے
شام غم کا پہرا تو ہے
مگھم مگھم پنہاں پنہاں
بات کا افسوں گہرا تو ہے
خواب سہی گر نقش عالم
انساں آتا جاتا تو ہے
کھوج میں اس کی برسوں پھر کے
چاند نگر پہچانا تو ہے
رستے بستے باغ میں یارو
مرگ کا ہر دم کھٹکا تو ہے
تیرا عظیمؔ اے جان عالم
میرؔ کی لے میں گاتا تو ہے
عظیم قریشی 
(723) ووٹ وصول ہوئے
Bich Dilon Mein Utra To Hai In Urdu By Famous Poet Azeem Qureshi. Bich Dilon Mein Utra To Hai is written by Azeem Qureshi. Enjoy reading Bich Dilon Mein Utra To Hai Poem on Inspiration for Students, Youth, Girls and Boys by Azeem Qureshi. Free Dowlonad Bich Dilon Mein Utra To Hai by Azeem Qureshi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends