ہوس نے مجھ سے پوچھا تھا تمہارا کیا ارادہ ہے
ہوس نے مجھ سے پوچھا تھا تمہارا کیا ارادہ ہے
بدن کار محبت میں برائے استفادہ ہے
کبھی پہنا نہیں اس نے مرے اشکوں کا پیراہن
اداسی میری آنکھوں میں ازل سے بے لبادہ ہے
بھڑک کر شعلۂ وحشت لہو میں بجھ گیا ہوگا
ذرا سی آگ تھی لیکن دھواں کتنا زیادہ ہے
اگر تم غور سے دیکھو رخ مہتاب کم پڑ جائے
فلک پر اک ستارے کی جبیں اتنی کشادہ ہے
مجھے مسکن سمجھتے ہیں عجب آسیب ہیں غم کے
میں اک دو سے نمٹ بھی لوں یہ پورا خانوادہ ہے
اسے دھندے سے مطلب ہے وہ دیمک بیچنے والا
اسے وہ خاک سمجھے گا یہ خوابوں کا برادہ ہے
ہم اس سے چاہ کر بھی بچ نہیں سکتے کسی صورت
نبھانا پڑتا ہے اس کو محبت ایک وعدہ ہے
مجھے شطرنج کے خانوں میں چلنا تو سکھائے گا
میں فرضی بن چکا کب کا تو اب تک اک پیادہ ہے
نہ جانے کاتب تقدیر نے کیا لکھ دیا اس پر
مری تقدیر کا صفحہ نہ سیدھا ہے نہ سادہ ہے
میں اس حالت میں زیبؔ آخر کہاں چلتے ہوئے جاؤں
نہ مجھ میں حوصلہ باقی نہ منزل ہے نہ جادہ ہے
اورنگ زیب 
(1638) ووٹ وصول ہوئے
Hawas Ne Mujhse Puchha Tha Tumhaara Kya Irada Hai In Urdu By Famous Poet Aurangzeb. Hawas Ne Mujhse Puchha Tha Tumhaara Kya Irada Hai is written by Aurangzeb. Enjoy reading Hawas Ne Mujhse Puchha Tha Tumhaara Kya Irada Hai Poem on Inspiration for Students, Youth, Girls and Boys by Aurangzeb. Free Dowlonad Hawas Ne Mujhse Puchha Tha Tumhaara Kya Irada Hai by Aurangzeb in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends