Main Tujhe Bhulna Chahun Bhi To Na-mumkin Hai
main tujhe bhulna chahun bhi to na-mumkin hai
tu meri pahli mohabbat hai mera mohsin hai
main use subh na jaanun jo tere sang nahin
main use sham na manun ki jo tere bin hai
kaisa manzar hai tere hijr ke pas-e-manzar ka
reg-e-sahra hai rawan aur hawa sakin hai
teri aankhon se tere hathon se lagta to nahin
mere ahbab ye kahte hain ki to kamsin hai
abhi kuchh der mein ho jaega aangan jal-thal
abhi aaghaz hai barish ka abhi kin-min hai
ain mumkin hai ki kal waqt faqat mera ho
aaj muTThi mein ye aaya hua pahla din hai
aaj ka din to bahut KHair se guzra 'nasik'
kal ki kyun fikr karun kal ka KHuda zamin hai
Athar Nasik 
(2243) Peoples Rate This