Tumhaare Hijr Ka Sadqa Utar Phenkta Hai
tumhaare hijr ka sadqa utar phenkta hai
diler shaKHs hai KHwahish ko mar phenkta hai
baDe baDon ko Thikane laga diya us ne
ye ishq lash bhi sahra ke par phenkta hai
ye kaise shaKHs ke hathon mein de diya KHud ko
falak ki samt mujhe bar bar phenkta hai
main jaanta hun mohabbat ki fasl boega
zamin pe ashk jo zar-o-qatar phenkta hai
samay ki tund-mizaji na puchh mujh se 'hasan'
ye be-lagam har ek shahsawar phenkta hai
Ataul Hasan 
(769) Peoples Rate This