Kisi Aur Ko Main Tere Siwa Nahin Chahta
kisi aur ko main tere siwa nahin chahta
so kisi se tera muwazana nahin chahta
koi kund zehn qabil se hai mere KHilaf
ki wo raushni ka hi irtiqa nahin chahta
tu hasin hai so mughaalate mein na KHarch ho
mere dost dil se tujhe zara nahin chahta
tera wasl chahe ragon mein zahr utar de
tere hijr ka kabhi azhdaha nahin chahta
abhi dil ko mazi ki sohbaton ka malal hai
nae shahr mein koi aashna nahin chahta
ye parind peD charagh to mere sath hain
mera KHandan meri raza nahin chahta
Ataul Hasan 
(738) Peoples Rate This