Aasmanon Mein Bhi Darwaza Laga Kar Dekhen
aasmanon mein bhi darwaza laga kar dekhen
qamat-e-husn ka andaza laga kar dekhen
ishq to apne lahu mein hi sanwarta hai so hum
kis liye ruKH pe koi ghaza laga kar dekhen
ain mumkin hai ki joDe se ziyaada mahke
apne collar mein gul-e-taza laga kar dekhen
baz-gasht apni hi aawaz ki ilham na ho
wadi-e-zat mein aawaza laga kar dekhen
Ata Turab 
(774) Peoples Rate This