سانسوں کے تعاقب میں حیران ملی دنیا
سانسوں کے تعاقب میں حیران ملی دنیا
تصویر بنے جب ہم آئینہ ہوئی دنیا
ہم خون پسینہ جب اک کر کے ہوئے روشن
کیوں آگ بنی دنیا اور خوب جلی دنیا
اپنا نظریہ کیا محروم نظر ہیں جب
اس سمت چلے ہم بھی جس سمت چلی دنیا
سیلاب بلا سے یہ کیوں خوف دلاتی ہے
کیا ہم کو بچائے گی شعلوں میں گھری دنیا
معمول جدائی ہے گو پھول کی گلشن سے
لیکن جو ہوئی عنقا خوابوں میں بسی دنیا
سب خواب پرانے ہیں ہر چند فسانے ہیں
ہم روز بساتے ہیں آنکھوں میں نئی دنیا
ہم دونوں سفر میں تھے معلوم نہیں اب کچھ
کیا تو نے کہی دنیا کیا ہم نے سنی دنیا
فردائے قیامت کا وعدہ ترا پرساں ہے
اب کتنی بچیں سانسیں اب کتنی بچی دنیا
ہر بات پہ حیرانی ہر لمحے کی نگرانی
دنیا سے عطاؔ یعنی کب سمجھی گئی دنیا
عطا عابدی 
(856) ووٹ وصول ہوئے
Sanson Ke Taaqub Mein Hairan Mili Duniya In Urdu By Famous Poet Ata Abidi. Sanson Ke Taaqub Mein Hairan Mili Duniya is written by Ata Abidi. Enjoy reading Sanson Ke Taaqub Mein Hairan Mili Duniya Poem on Inspiration for Students, Youth, Girls and Boys by Ata Abidi. Free Dowlonad Sanson Ke Taaqub Mein Hairan Mili Duniya by Ata Abidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends