پس دیوار حجت کس لئے ہے
پس دیوار حجت کس لئے ہے
دریچے سے یہ وحشت کس لئے ہے
نہ میں اپنا نہ میں تیرا ہوں دنیا
تو پھر جینے کی حسرت کس لئے ہے
اگر سود و زیاں کے ہم ہیں قائل
جنوں سے اپنی قربت کس لئے ہے
جفا ہی جب تری پہچان ٹھہری
وفا میں مجھ کو لذت کس لئے ہے
مری آنکھوں پہ جو پہرہ ہے تیرا
تو آئینے سے رغبت کس لئے ہے
خود اپنے گھر میں ہے جب اجنبی تو
مرے بھائی یہ شہرت کس لئے ہے
سفر میں جب نہ تیرے کام آئے
ذرا یہ سوچ دولت کس لئے ہے
ادب ہی زندگی میں جب نہ آیا
ادب میں اتنی محنت کس لئے ہے
نکل آئے ہیں دیواروں پہ چہرے
تصور کی یہ جدت کس لئے ہے
مرا آئینہ ہے جب تیرا چہرہ
تو پھر دنیا کی حیرت کس لئے ہے
خموشی ہے جواب جاہلاں جب
زباں جیسی یہ نعمت کس لئے ہے
ہے دنیا کا جواز اس امر ہی میں
جہنم کیوں ہے جنت کس لئے ہے
کھلے ہیں پھول صحرا میں ولیکن
مجھے گھر میں یہ فرحت کس لئے ہے
نہیں واقف ہے دل ایثار سے جب
عطاؔ اظہار الفت کس لئے ہے
عطا عابدی 
(913) ووٹ وصول ہوئے
Pas-e-diwar Hujjat Kis Liye Hai In Urdu By Famous Poet Ata Abidi. Pas-e-diwar Hujjat Kis Liye Hai is written by Ata Abidi. Enjoy reading Pas-e-diwar Hujjat Kis Liye Hai Poem on Inspiration for Students, Youth, Girls and Boys by Ata Abidi. Free Dowlonad Pas-e-diwar Hujjat Kis Liye Hai by Ata Abidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends