Piyare Bachchon Ki Piyari Tamannaen
go uDate hain abhi dhulen hum
chahte hain ki falak chhu len hum
ho buzurgon ki duaon mein asar
bagh-e-hasti mein phalen-phulen hum
ilm ka shauq ho dil mein itna
sabaq apna na kabhi bhulen hum
shad-o-abaad rahe ye bachpan
aur jhulon pe yunhi jhulen hum
quwwat-e-KHair ata ho itni
Dhili shar ki karen sab chulen hum
apni taqdir ke hum hain meamar
apna mansab na kabhi bhulen hum
Ata Abidi 
(1647) Peoples Rate This