کرشمہ سازئ دل دیکھتا ہوں
کرشمہ سازئ دل دیکھتا ہوں
تمہیں اپنے مقابل دیکھتا ہوں
جہاں منزل کا امکاں ہی نہیں ہے
وہاں آثار منزل دیکھتا ہوں
صدا دی تو نے کیا جانے کہاں سے
مگر میں جانب دل دیکھتا ہوں
کہاں کا رہنما اور کیسی راہیں
جدھر بڑھتا ہوں منزل دیکھتا ہوں
اشارا ہے ترا طوفاں کی جانب
مگر میں ہوں کہ ساحل دیکھتا ہوں
محبت ہی محبت ہے جہاں پر
محبت کی وہ منزل دیکھتا ہوں
مرے ہاتھوں میں بھی ہے ساز لیکن
ابھی میں رنگ محفل دیکھتا ہوں
ترے ہاتھوں سے جو ٹوٹا تھا اک دن
وہی ٹوٹا ہوا دل دیکھتا ہوں
کبھی طوفاں ہی طوفاں ہے نظر میں
کبھی ساحل ہی ساحل دیکھتا ہوں
غرور حسن باطل پر نظر ہے
نیاز عشق کامل دیکھتا ہوں
مجازؔ اور حسن کے قدموں پہ سجدے
مآل زعم باطل دیکھتا ہوں
اسرار الحق مجاز 
(885) ووٹ وصول ہوئے
Karishma-sazi-e-dil Dekhta Hun In Urdu By Famous Poet Asrar-ul-Haq Majaz. Karishma-sazi-e-dil Dekhta Hun is written by Asrar-ul-Haq Majaz. Enjoy reading Karishma-sazi-e-dil Dekhta Hun Poem on Inspiration for Students, Youth, Girls and Boys by Asrar-ul-Haq Majaz. Free Dowlonad Karishma-sazi-e-dil Dekhta Hun by Asrar-ul-Haq Majaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends