آسماں تک جو نالہ پہنچا ہے
آسماں تک جو نالہ پہنچا ہے
دل کی گہرائیوں سے نکلا ہے
میری نظروں میں حشر بھی کیا ہے
میں نے ان کا جلال دیکھا ہے
جلوۂ طور خواب موسیٰ ہے
کس نے دیکھا ہے کس کو دیکھا ہے
ہائے انجام اس سفینے کا
ناخدا نے جسے ڈبویا ہے
آہ کیا دل میں اب لہو بھی نہیں
آج اشکوں کا رنگ پھیکا ہے
جب بھی آنکھیں ملیں ان آنکھوں سے
دل نے دل کا مزاج پوچھا ہے
وہ جوانی کہ تھی حریف طرب
آج برباد جام و صہبا ہے
کون اٹھ کر چلا مقابل سے
جس طرف دیکھیے اندھیرا ہے
پھر مری آنکھ ہو گئی نمناک
پھر کسی نے مزاج پوچھا ہے
سچ تو یہ ہے مجازؔ کی دنیا
حسن اور عشق کے سوا کیا ہے
اسرار الحق مجاز 
(870) ووٹ وصول ہوئے
Aasman Tak Jo Nala Pahuncha Hai In Urdu By Famous Poet Asrar-ul-Haq Majaz. Aasman Tak Jo Nala Pahuncha Hai is written by Asrar-ul-Haq Majaz. Enjoy reading Aasman Tak Jo Nala Pahuncha Hai Poem on Inspiration for Students, Youth, Girls and Boys by Asrar-ul-Haq Majaz. Free Dowlonad Aasman Tak Jo Nala Pahuncha Hai by Asrar-ul-Haq Majaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends