مہمان
آج کی رات اور باقی ہے
کل تو جانا ہی ہے سفر پہ مجھے
زندگی منتظر ہے منہ پھاڑے
زندگی خاک و خون میں لتھڑی
آنکھ میں شعلہ ہائے تند لیے
دو گھڑی خود کو شادماں کر لیں
آج کی رات اور باقی ہے
چلنے ہی کو ہے اک سموم ابھی
رقص فرما ہے روح بربادی
بربریت کے کاروانوں سے
زلزلے میں ہے سینۂ گیتی
ذوق پنہاں کو کامراں کر لیں
آج کی رات اور باقی ہے
ایک پیمانہ مے سر جوش
لطف گفتار گرمئی آغوش
بوسے اس درجہ آتشیں بوسے
پھونک ڈالیں جو میری کشت ہوش
روح یخ بستہ ہے تپاں کر لیں
آج کی رات اور باقی ہے
ایک دو اور ساغر سرشار
پھر تو ہونا ہی ہے مجھے ہشیار
چھیڑنا ہی ہے ساز زیست مجھے
آگ برسائیں گے لب گفتار
کچھ طبیعت تو ہم رواں کر لیں
آج کی رات اور باقی ہے
پھر کہاں یہ حسیں سہانی رات
یہ فراغت یہ کیف کے لمحات
کچھ تو آسودگی ذوق نہاں
کچھ تو تسکین شورش جذبات
آج کی رات جاوداں کر لیں
آج کی رات اور آج کی رات
اسرار الحق مجاز 
(925) ووٹ وصول ہوئے
Mehman In Urdu By Famous Poet Asrar-ul-Haq Majaz. Mehman is written by Asrar-ul-Haq Majaz. Enjoy reading Mehman Poem on Inspiration for Students, Youth, Girls and Boys by Asrar-ul-Haq Majaz. Free Dowlonad Mehman by Asrar-ul-Haq Majaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends