فکر
نہیں ہر چند کسی گمشدہ جنت کی تلاش
اک نہ اک خلد طرب ناک کا ارماں ہے ضرور
بزم دو شنبہ کی حسرت تو نہیں ہے مجھ کو
میری نظروں میں کوئی اور شبستاں ہے ضرور
مٹ کے برباد جہاں ہو کے سبھی کچھ کھو کے
بات کیا ہے کہ زیاں کا کوئی احساس نہیں
کار فرما ہے کوئی تازہ جنون تعمیر
دل مضطر ابھی اماجگۂ یاس نہیں
تازہ دم بھی ہوں مگر پھر یہ تقاضا کیوں ہے
ہاتھ رکھ دے مرے ماتھے پہ کوئی زہرہ جبیں
ایک آغوش حسیں شوق کی معراج ہے کیا
کیا یہی ہے اثر نالۂ دل ہائے حزیں
مہ وشوں کا طرب انگیز تبسم کیا ہے
ہے تو سب کچھ یہ مگر خواب اثر کیوں ہو جائے
حسن کی جلوہ گہہ ناز کا افسوں تسلیم
یہی قرباں گۂ ارباب نظر کیوں ہو جائے
میں نے سوچا تھا کہ دشوار ہے منزل اپنی
اک حسیں بازوے سیمیں کا سہارا بھی تو ہے
دشت ظلمات سے آخر کو گزرنا ہے مجھے
کوئی رخشندہ و تابندہ ستارہ بھی تو ہے
آگ کو کس نے گلستاں نہ بنانا چاہا
جل بجھے کتنے خلیل آگ گلستاں نہ بنی
ٹوٹ جانا در زنداں کا تو دشوار نہ تھا
خود زلیخا ہی رفیق مہ کنعاں نہ بنی
بہ ایں انعام وفا اف یہ تقاضائے حیات
زندگی وقف غم خاک نشیناں کر دے
خون دل کی کوئی قیمت جو نہیں ہے تو نہ ہو
خون دل نذر چمن بندئ دوراں کر دے
اسرار الحق مجاز 
(998) ووٹ وصول ہوئے
Fikr In Urdu By Famous Poet Asrar-ul-Haq Majaz. Fikr is written by Asrar-ul-Haq Majaz. Enjoy reading Fikr Poem on Inspiration for Students, Youth, Girls and Boys by Asrar-ul-Haq Majaz. Free Dowlonad Fikr by Asrar-ul-Haq Majaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends