Ye Meri Duniya Ye Meri Hasti
ye meri duniya ye meri hasti
naghma-taraazi sahba-parasti
shair ki duniya shair ki hasti
ya nala-e-gham ya shor-e-masti
sab se gurezan sab par barasti
aankhon ki masti mahngi na sasti
ya KHuld o saqi ai jazb-e-masti
ya TukDe TukDe daman-e-hasti
mahw-e-safar hun garm-e-safar hun
meri nazar mein rifat na pasti
in ankhDiyon ka aalam na puchho
sahba hi sahba masti hi masti
wo aa bhi jate wo ho bhi jate
chashm-e-tamanna phir bhi tarasti
un ka karam hai un ki mohabbat
kya mere naghme kya meri hasti
Asrar-ul-Haq Majaz 
(964) Peoples Rate This