پردیسی کا خط
ہماری دوری کے موسموں کو
اے جان جاناں نصاب رکھنا
میں تم سے ملنے کو آؤں گا جب
ورق ورق تم کتاب رکھنا
سبھی شکایات یاد کر کے
سزاؤں کا بھی حساب رکھنا
خلش ہے جو بھی تمہارے دل میں
مرے لیے انتساب رکھنا
سوال جتنے ہوں دل میں چبھتے
انہیں فراغت سے پوچھ لینا
مری محبت کا پاس کرنا
مجھے مکمل جواب رکھنا
اٹھانا پردے حقیقتوں سے
فقط نہ محو راب رکھنا
بچھڑ کے تم سے ملن کی لذت
تھکن ہماری سمیٹ لینا
فراق میں پھر جو دیں سہارا
ہمارے حصہ یہ خواب رکھنا
نہ دور جانا نہ ہجر دینا
نہ مجھ کو غرق عذاب رکھنا
ہمارے لفظوں پہ غور کرنا
بچھڑ کے تم سے نہ چین پایا
خموشیوں کو نہ راہ دینا
نہ دل کو خانہ خراب رکھنا
رفاقتوں کے بھنور میں مجھ کو
ڈبو ڈبو کے ابھار دینا
ہر ایک لمحہ نواز دینا
نہ مجھ سے کوئی حجاب رکھنا
تمہاری فرقت کے کرب کاٹے
میں قطرہ قطرہ بکھر رہا ہوں
تم اپنی چاہت کو میری خاطر
بہ صورت انجذاب رکھنا
جھلس چکے ہیں تمام جذبے
انہیں محبت سے سینچ دینا
ذرا سی سختی ذرا سی نرمی
مثال آب و تراب رکھنا
تمہارے جذبات کی صداقت
وجود پر ابر بن کے برسے
نکھر سکے زندگی کا موسم
مرے لیے یہ ثواب رکھنا
اسریٰ رضوی 
(1409) ووٹ وصول ہوئے
Pardesi Ka KHat In Urdu By Famous Poet Asra Rizvi. Pardesi Ka KHat is written by Asra Rizvi. Enjoy reading Pardesi Ka KHat Poem on Inspiration for Students, Youth, Girls and Boys by Asra Rizvi. Free Dowlonad Pardesi Ka KHat by Asra Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends