آگ جو دل میں لگی ہے وہ بجھا دی جائے
آگ جو دل میں لگی ہے وہ بجھا دی جائے
پھر کوئی تازہ غزل آج سنا دی جائے
زینت جسم بنے روح کو چھلنی کر دے
ایسی ہر رسم زمانے سے مٹا دی جائے
سنتے ہیں عشق کا بازار بہت گرم ہے پھر
قیمت حسن ذرا اور بڑھا دی جائے
اک جھلک کے لیے سو بار سر بام گیا
آتش شوق کو کچھ اور ہوا دی جائے
راز سینے میں دبا ہے جو سر بزم کہوں
صرف اک بار مجھے اس کی رضا دی جائے
زندگی دھوپ میں جلتے ہوئے کاٹی جس نے
سایہ مل جائے کوئی اس کو دعا دی جائے
جا بجا عکس میری آنکھوں میں ابھرے جس کا
اس کی تصویر بھی اب دل سے ہٹا دی جائے
وقت عاجل ہے سفر طول ہے دم آنکھوں میں
رخ جاناں سے نقاب اب تو اٹھا دی جائے
تشنگی آنکھ کی کم ہو کوئی صورت نکلے
پس پردہ ہی جھلک کاش دکھا دی جائے
منجمد کوہ ندا پر ہے تغافل سے ترے
حدت چشم کرم اس پے لٹا دی جائے
مسکراتے ہوئے سر سینے پہ رکھ کر بولے
مرض عشق ہے لازم ہے دوا دی جائے
یہ بھی ممکن ہے مگر تب کہ وہ خود آ کے کہے
بات جو دل کو دکھاتی ہے بھلا دی جائے
اسریٰ رضوی 
(1570) ووٹ وصول ہوئے
Aag Jo Dil Mein Lagi Hai Wo Bujha Di Jae In Urdu By Famous Poet Asra Rizvi. Aag Jo Dil Mein Lagi Hai Wo Bujha Di Jae is written by Asra Rizvi. Enjoy reading Aag Jo Dil Mein Lagi Hai Wo Bujha Di Jae Poem on Inspiration for Students, Youth, Girls and Boys by Asra Rizvi. Free Dowlonad Aag Jo Dil Mein Lagi Hai Wo Bujha Di Jae by Asra Rizvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends