Mere Qadmon Mein Duniya Ke KHazane Hain UTha Lun Kya
mere qadmon mein duniya ke KHazane hain uTha lun kya
zamana gir chuka jitna main KHud ko bhi gira lun kya
tera chehra banane ki jasarat kar raha hun main
lahu aankhon se utra hai to rangon mein mila lun kya
suna hai aaj basti se musafir ban ke guzroge
agar niklo idhar se to main apna ghar saja lun kya
bhara ho dil hasad se to nazar kuchh bhi nahin aata
main nafrat mein adawat mein mohabbat ko mila lun kya
ki barson se to gin gin kar main in ko KHarch karta hun
abhi bhi chand sansen hain teri KHatir bacha lun kya
Aslam Rashid 
(734) Peoples Rate This