Kya Zaruri Hai Shaeri Ki Jae
kya zaruri hai shaeri ki jae
dil jala kar hi raushni ki jae
baz chehre bahut hasin sahi
phir bhi kitnon se dosti ki jae
ek musalsal shikast ka ehsas
aisi KHwahish na phir kabhi ki jae
ye mohabbat ke jo taqaze hain
in taqazon mein kuchh kami ki jae
ab bhi kuchh log ye samajhte hain
zahr pi kar hi KHud-kushi ki jae
main ne ye faisla kiya hai 'nashat'
faislon mein bhi ab kami ki jae
Asifa Nishat 
(866) Peoples Rate This