Saba Kahiyo Zabani Meri Tuk Us Sarw-qamat Ko
saba kahiyo zabani meri Tuk us sarw-qamat ko
ki jab se dil liya aae na phir sahib-salamat ko
mere rone ko sun kar yun laga jhunjhla ke wo kahne
miyan ye jaan khana hai uTha do is malamat ko
jo milna hai to aa jao gale se lag ke so rahiye
nahin to kaam kya aaoge ai sahab qayamat ko
uThae sau tarah ke zulm aur jaur-o-jafa tere
kaha shabash bhi tu ne na meri istaqamat ko
hua main KHak ai 'asif' na pahuncha is ke daman tak
liye jaunga sath apne adam tak is nadamat ko
Asif-ud-Daula 
(851) Peoples Rate This