مقصود علی دیوانہؔ
''رشتے، چاہت، شہرت، دولت
تیرے لیے سب بے مایہ
تارا ہے کسی کی آنکھوں کا تو
اور نہ کسی کا ماں جایا
ہے دوست نہ کوئی ہم سایہ
میدانوں سے آنکھوں کی گزرتا اک سایہ
مقصود علی! مقصود علی!
دیوانہ ہے تو ہم کو بتا
یا کوئی ولی؟
''وہ روز ازل کا دہرایا
ہے اک سایہ
جس کی اک دنیا ہے اپنی
دہشت کے محور پر گرداں
وہ دنیا روز و شب میں جو تقسیم نہیں
خانوں میں بٹی تقویم نہیں
جو راز ہیں ہم سے مخفی
اس پر ظاہر ہیں
وہ قلب ہستی کے اندر
ہم باہر ہیں
معدوم ہے وہ موجود ہو تم
وہ لا حد ہے محدود ہو تم
ہستی کے عالم سے بالا
ہرگز وہ تم سے بات نہیں کرنے والا
وہ سناٹے کا ہرکارہ ہے، ہونٹ سلے
ہے دور کہیں، ہم سب سے پرے
کہرے میں گھری آواز پہ اپنے کان دھرے
(یا غار قدیمی کی سنگیں تاریکی میں
بحر آغاز کے پانی کا
پر ہول تقاطر سنتا ہے
اور جھک کر بہتے پانی سے
تاروں کے ذرے چنتا ہے)
وہ روز ازل کا دہرایا
اک سایا ہے
جو درہم برہم کر دینے دنیا کو ہماری آیا ہے''
آصف رضا 
(738) ووٹ وصول ہوئے
Maqsud-ali-diwana In Urdu By Famous Poet Asif Raza. Maqsud-ali-diwana is written by Asif Raza. Enjoy reading Maqsud-ali-diwana Poem on Inspiration for Students, Youth, Girls and Boys by Asif Raza. Free Dowlonad Maqsud-ali-diwana by Asif Raza in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends