Shayad
wo jhuk ke zamin par
baghlon mein de kar hath hamari
hum ko uThata hai
taron tak lata hai
phir hath haTa kar
hum ko girne chhoDta hai
sard o tarik KHalaon mein
shayad us ki ye KHwahish hoti hai
hum apne donon bazu lahraen
aur upar uThte jaen
hatta ki
tanhai ke abad mein us ke daKHil hon
aur hath baDha kar
kanpti poron se apni
us ke ghamgin chehre ko chhu len
Asif Raza 
(811) Peoples Rate This