Meri Tarah Zara Bhi Tamasha Kiye Baghair
meri tarah zara bhi tamasha kiye baghair
ro kar dikhao aankh ko gila kiye baghair
ghairat ne hasrato ka gareban pakaD liya
hum lauT aae arz-e-tamanna kiye baghair
chehra hazar bar badal lijiye magar
mazi to chhoDta nahin pichha kiye baghair
kuchh doston ke dil pe to chhuriyan si chal gain
ki us ne mujh se baat jo parda kiye baghair
Ashok Sahil 
(2117) Peoples Rate This