اپنے اشعار بھول جاتا ہوں
آج کل اکثر ایسا پاتا ہوں
اپنے اشعار بھول جاتا ہوں
کیا بحر تھی وہ کیا ترنم تھا
اشک تھا کوئی یا تبسم تھا
کیفیت کیا تھی اور کیا احساس
جن سے ہوتا تھا خودی کا احساس
جن کو میں جاوداں سمجھتا تھا
اپنے دونوں جہاں سمجھتا تھا
اب وہی شعر بھول جاتا ہوں
آج کل اکثر ایسا پاتا ہوں
ایسا کیوں ہو گیا اگر سوچوں
کوئی واجب وجہ اگر کھوجوں
ایسا محسوس ہونے لگتا ہے
شعر خود کو وہ یاد رہتا ہے
جو کسی اور کو بھی یاد رہے
ہونٹھ پہ نہ ہو مگر دل میں بسے
ایسا ممکن تو ہے مگر بس تب
کسی لمحہ میں خود کو بھول کے جب
خود کو دریا دلی سے بانٹا ہو
میرا میں اور کسی کا حصہ ہو
یوں کیا ہی نہیں تو کیا فریاد
اپنی ہی قید میں رہا آباد
فکر کی اصلی بات یہ ہے مگر
ان دنوں یوں بھی ہوا ہے اکثر
شعر اوروں کے بھول جاتا ہوں
کیا میں پہلے کی طرح زندہ ہوں
اشوک لال 
(904) ووٹ وصول ہوئے
Apne Ashaar Bhul Jata Hun In Urdu By Famous Poet Ashok Lal. Apne Ashaar Bhul Jata Hun is written by Ashok Lal. Enjoy reading Apne Ashaar Bhul Jata Hun Poem on Inspiration for Students, Youth, Girls and Boys by Ashok Lal. Free Dowlonad Apne Ashaar Bhul Jata Hun by Ashok Lal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends