Apni Ghazlon Ko Risalon Se Alag Rakhta Hun
apni ghazlon ko risalon se alag rakhta hun
yani ye phul kitabon se alag rakhta hun
han buzurgon se aqidat to mujhe hai lekin
mushkilen apni mazaron se alag rakhta hun
manzilen aa ke mere panw mein gir jati hain
hausla jab main thakanon se alag rakhta hun
un ki aamad ka pata deti hai KHushbu un ki
us ghaDi KHud ko jahanon se alag rakhta hun
hosh wale mujhe apnon mein gina karte hain
main kahan KHud ko diwanon se alag rakhta hun
mujh ko achchha nahin lagta ye umiden TuTen
is liye tir kamanon se alag rakhta hun
Ashfaq Rasheed Mansuri 
(664) Peoples Rate This