Apne Dil Mein Aag Lagani PaDti Hai
apne dil mein aag lagani paDti hai
aise bhi ab raat bitani paDti hai
us ki baaten sun kar aise uThta hun
jaise apni lash uThani paDti hai
wo KHwabon mein hath chhuDa kar jae to
nindon mein aawaz lagani paDti hai
kya KHushbu se main us ki bach paunga
raste mein jo raat ki rani paDti hai
ab ja kar ke baat samajh mein aai hai
lekin ab kamzor jawani paDti hai
Ashfaq Rasheed Mansuri 
(677) Peoples Rate This