ایک آنچ کی کمی
سورج آسمان سے گرا
اور لیموں بن گیا
چاند آسمان سے گرا
اور کپاس کا پھول بن گیا
میں تاریخ کے مینار سے گرا
اور واقعہ کیوں نہ بن سکا
پانی دریاؤں سے نکلا
اور جنگل بن گیا
لفظ کتاب سے نکلا
اور عالم بن گیا
میں اس کی نیت کے اندھیرے سے نکلا
اور آزادی کیوں نہ بن سکا
ہوا بادبان سے گری
اور ملاح کا گیت بن گئی
بوسہ ہونٹوں سے گرا
اور محبت کا پرندہ بن گیا
دن عقاب کی چونچ سے گرا
اور سورج مکھی کا باغ کیوں نہ بن سکا
تیر کمان سے نکلا
اور بادشاہ بن گیا
شہزادہ محل سے نکلا
اور جوگی بن گیا
خیال اپنے مدار سے نکلا
اور نظم کیوں نہ بن سکا
خواہش دل سے گری
اور کالا گلاب بن گئی
نکتہ دھیان سے گرا
اور صوفی بن گیا
میں زمین پر گرا
اور بارش کا قطرہ کیوں نہ بن سکا!
اصغر ندیم سید 
(1290) ووٹ وصول ہوئے
Ek Aanch Ki Kami In Urdu By Famous Poet Asghar Nadeem Sayed. Ek Aanch Ki Kami is written by Asghar Nadeem Sayed. Enjoy reading Ek Aanch Ki Kami Poem on Inspiration for Students, Youth, Girls and Boys by Asghar Nadeem Sayed. Free Dowlonad Ek Aanch Ki Kami by Asghar Nadeem Sayed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends