دھوپ بھری اجرک
اس نے مجھے دھوپ بھری اجرک پیش کی
میں نے اس دھوپ کو اپنی زمین پر رکھا
کپاس اور کھجور اگائی
کھجور سے شراب اور کپاس سے اپنی محبوبہ کے لیے
مہین ململ کاتی
ململ نے اس کے بدن کو چھوا
اس پر پھول نکل آئے
شراب کو زمین میں دبایا
اس پر تاڑ کے درخت اگ آئے
اس نے مجھے دھوپ بھری اجرک پیش کی
میں نے اس دھوپ کو اپنے دل پر رکھا
جو سرسوں کا پھول بن گئی
اس پھول سے ایک موسم پیدا ہوا
جس کا نام میں نے عشق اور سخاوت کا موسم رکھ دیا
اس موسم کے بیج سے ایک راستہ
اس کے گھر کی طرف نکلا
اس بیج سے پانچ کبوتر نکلے
بھری ہوئی گاگر والے فقیر کے روضے پر جا کر بیٹھ گئے
اس نے مجھے دھوپ سے بھری اجرک پیش کی
میں نے اسے تمہارے گھر کے زینے پر پھیلا دیا
تاکہ تم دھوپ کی سیڑھیوں سے میرے دل میں اتر سکو
مجھے یاد ہے کبھی نہ کبھی کہیں نہ کہیں
میرا ستارہ تمہارے ستارے کے قریب سے گزرا ہے
اس نے مجھے دھوپ بھری اجرک پیش کی
میں نے اسے سمندر میں پھیلا دیا
ہوا نے اس کا رس چوسا
اور مدہوش ہو کر بادبانوں سے لپٹ گئی
سمندر کے اندر ایک اور سمندر نیند سے جاگا
دونوں ایک دوسرے کے خروش میں
دیر تک اس دھوپ میں آنکھیں موندے لیٹے رہے
اس نے مجھے دھوپ بھری اجرک پیش کی
پھر میں نے وہ اجرک شہباز قلندر کے ایک
فقیر کو دے دی
اس نے مجھے دعا کا ایک بادل دیا
میں جسے اپنے سر پر لئے پھرتا ہوں
اصغر ندیم سید 
(1010) ووٹ وصول ہوئے
Dhup-bhari Ajrak In Urdu By Famous Poet Asghar Nadeem Sayed. Dhup-bhari Ajrak is written by Asghar Nadeem Sayed. Enjoy reading Dhup-bhari Ajrak Poem on Inspiration for Students, Youth, Girls and Boys by Asghar Nadeem Sayed. Free Dowlonad Dhup-bhari Ajrak by Asghar Nadeem Sayed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends