خدا جانے کہاں ہے اصغرؔ دیوانہ برسوں سے
خدا جانے کہاں ہے اصغرؔ دیوانہ برسوں سے
کہ اس کو ڈھونڈھتے ہیں کعبہ و بت خانہ برسوں سے
تڑپنا ہے نہ جلنا ہے، نہ جل کر خاک ہونا ہے
یہ کیوں سوئی ہوئی ہے فطرت پروانہ برسوں سے
کوئی ایسا نہیں یا رب کہ جو اس درد کو سمجھے
نہیں معلوم کیوں خاموش ہے دیوانہ برسوں سے
کبھی سوز تجلی سے اسے نسبت نہ تھی گویا
پڑی ہے اس طرح خاکستر پروانہ برسوں سے
ترے قربان ساقی اب وہ موج زندگی کیسی
نہیں دیکھی ادائے لغزش مستانہ برسوں سے
مری رندی عجب رندی مری مستی عجب مستی
کہ سب ٹوٹے پڑے ہیں شیشہ و پیمانہ برسوں سے
حسینوں پر نہ رنگ آیا نہ پھولوں میں بہار آئی
نہیں آیا جو لب پر نغمۂ مستانہ برسوں سے
کھلی آنکھوں سے ہوں حسن حقیقت دیکھنے والا
ہوئی لیکن نہ توفیق در بت خانہ برسوں سے
لباس زہد پر پھر کاش نذر آتش صہبا
کہاں کھوئی ہوئی ہے جرأت رندانہ برسوں سے
جسے لینا ہو آ کر اس سے اب درس جنوں لے لے
سنا ہے ہوش میں ہے اصغرؔ دیوانہ برسوں سے
اصغر گونڈوی 
(1157) ووٹ وصول ہوئے
KHuda Jaane Kahan Hai Asghar-e-diwana Barson Se In Urdu By Famous Poet Asghar Gondvi. KHuda Jaane Kahan Hai Asghar-e-diwana Barson Se is written by Asghar Gondvi. Enjoy reading KHuda Jaane Kahan Hai Asghar-e-diwana Barson Se Poem on Inspiration for Students, Youth, Girls and Boys by Asghar Gondvi. Free Dowlonad KHuda Jaane Kahan Hai Asghar-e-diwana Barson Se by Asghar Gondvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends