کہیں سر پٹکتے دیوانے کہیں پر جھلستے پروانے
کہیں سر پٹکتے دیوانے کہیں پر جھلستے پروانے
جو ہو بے شعور کیا جانے یہ ہیں زندگی کے افسانے
یہ نئی نئی ہر اک صورت یہ طلسمی آئینہ خانے
ہے غضب کی شعلہ سامانی کہ بھٹک رہے ہیں پروانے
سبھی اپنے اور بیگانے چلے آ رہے ہیں سمجھانے
مجھے کیا ہوا خدا جانے میں سڑی ہوں یا یہ دیوانے
کوئی آ رہا ہے سمجھانے مگر اس طرح کہ بے جانے
ہیں اسی کے غم میں دیوانے ابھی سن لے تو برا مانے
للک ایک سی نہ اے کوئل نہ ترا سا دل ہے میرا دل
تری کوک کو میں کیا سمجھوں مری ہوک کو تو کیا جانے
تری بے رخی نے اے ساقی ہوس طلب بڑھا دی ہے
ہوا چور ایک پیمانہ تو بنے ہزار پیمانے
ہے ادھر خمار آنکھوں میں ادھر انتظار آنکھوں میں
ابھی دور مے کشی ہے دور ابھی بن رہے ہیں میخانے
ہوا بھولے پن پہ جو بسمل وہ تو اپنا آپ ہے قاتل
یہ سمجھ کا پھیر ہے اے دل ستم و جفا وہ کیا جانے
نئی کروٹیں زمانے کی ہیں بڑی ہی انقلاباتی
کہیں بستیوں میں ویرانی کہیں بس رہے ہیں ویرانے
یہ ابھرتی مٹتی تحریریں یہ بگڑتی بنتی تصویریں
کسی حسن کی ہیں تنویریں کوئی دیکھے ہو تو پہچانے
تو ہے جان حسن یہ سن کے تو پسینہ چھوٹا ماتھے سے
مرا نام آرزوؔ سن لے تو وہ اور بھی برا مانے
آرزو لکھنوی 
(936) ووٹ وصول ہوئے
Kahin Sar PaTakte Diwane Kahin Par Jhulaste Parwane In Urdu By Famous Poet Arzoo Lakhnavi. Kahin Sar PaTakte Diwane Kahin Par Jhulaste Parwane is written by Arzoo Lakhnavi. Enjoy reading Kahin Sar PaTakte Diwane Kahin Par Jhulaste Parwane Poem on Inspiration for Students, Youth, Girls and Boys by Arzoo Lakhnavi. Free Dowlonad Kahin Sar PaTakte Diwane Kahin Par Jhulaste Parwane by Arzoo Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends