جو بت ہے یہاں اپنی جا ایک ہی ہے
جو بت ہے یہاں اپنی جا ایک ہی ہے
دوئی چھوڑ بندے خدا ایک ہی ہے
یہ گل کھل رہا ہے وہ مرجھا رہا ہے
اثر دو طرح کے ہوا ایک ہی ہے
ہیں اپنی ہی نیت کے پھل تلخ و شیریں
وگرنہ مزہ درد کا ایک ہی ہے
بھرے رنگ جتنے بدلتا زمانہ
مگر عشق کا ماجرا ایک ہی ہے
سبھی شکوے مٹتے ہیں چشم کرم سے
مرض ہوں ہزاروں دوا ایک ہی ہے
دو رنگی دنیا سے کیا کام ہم کو
کہ فردوس دل کی فضا ایک ہی ہے
بناتے ہیں بے خود سبھی حسن والے
ٹھکانے الگ راستہ ایک ہی ہے
کوئی سمجھے نغمہ کوئی سمجھے نالہ
مرے ساز دل کی صدا ایک ہی ہے
وہ دار و رسن ہوں کہ ہوں زہر و خنجر
بہانے ہزاروں قضا ایک ہی ہے
محبت کرے اور ہو بے غرض بھی
لو پھر آرزوؔ آپ کا ایک ہی ہے
آرزو لکھنوی 
(832) ووٹ وصول ہوئے
Jo But Hai Yahan Apni Ja Ek Hi Hai In Urdu By Famous Poet Arzoo Lakhnavi. Jo But Hai Yahan Apni Ja Ek Hi Hai is written by Arzoo Lakhnavi. Enjoy reading Jo But Hai Yahan Apni Ja Ek Hi Hai Poem on Inspiration for Students, Youth, Girls and Boys by Arzoo Lakhnavi. Free Dowlonad Jo But Hai Yahan Apni Ja Ek Hi Hai by Arzoo Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends