Karwan Tira-shab Mein Chalte Hain
karwan tira-shab mein chalte hain
aandhiyon mein charagh jalte hain
lakh zindan hon lakh dar-o-rasan
ab irade kahin badalte hain
kis ada se sahar ke diwane
surKH parcham liye nikalte hain
rok sakta hai kya unhen sayyaad
jo qafas toD kar nikalte hain
kitni sadiyon se zehn-e-insan mein
rang-o-nikhat ke KHwab palte hain
Arshi Bhopali 
(753) Peoples Rate This