Kisi Surat Agar Izhaar Ki Surat Nikal Aae
kisi surat agar izhaar ki surat nikal aae
to mumkin hai kisi se pyar ki surat nikal aae
masihai pe wo kafir agar iman le aae
shifa ki shakl mein bimar ki surat nikal aae
agar wo bewafa zid chhoD de aur Thik ho jae
to shayad phir mere ghar-bar ki surat nikal aae
koi to moajaza aisa bhi ho apni mohabbat mein
tere inkar se iqrar ki surat nikal aae
bahut din ho gae 'arshad' wo mukhDa chand sa dekhe
dua karna koi didar ki surat nikal aae
Arshad Lateef 
(830) Peoples Rate This