یہ بولے جو ان کو کہا بے مروت
یہ بولے جو ان کو کہا بے مروت
میں کیا تم سے بھی ہوں سوا بے مروت
لقب میرے قاتل کے کیا پوچھتے ہو
ستم گار نا آشنا بے مروت
ان آئینہ رویوں میں ہے وہ ستم گر
بڑا خود غرض خود نما بے مروت
تو وہ کج ادا ہے جو دنیا میں ڈھونڈھیں
نہ تجھ سا ملے دوسرا بے مروت
نہیں اس میں رحم و حیا کچھ وہ قاتل
بڑا سنگ دل ہے بڑا بے مروت
تری چشم پوشی سے آنکھوں میں دم ہے
ادھر دیکھ او بے وفا بے مروت
سوا تیرے سارے حسینوں کو دیکھا
خنک بے نمک بے مزا بے مروت
گلا جور کا سن کے بولے تمہیں کیا
میں اہل مروت ہوں یا بے مروت
جفاؤں کا اس سے گلا کیجیئے جب
تو کہتا ہے وہ بے وفا بے مروت
چلو ڈھونڈھ لو باوفا اور کوئی
اگر میں ہوں نا آشنا بے مروت
قلقؔ اٹھ گئی رسم الفت جہاں سے
حسیں سب ہیں دنیا کے کیا بے مروت
ارشد علی خان قلق 
(974) ووٹ وصول ہوئے
Ye Bole Jo Un Ko Kaha Be-murawwat In Urdu By Famous Poet Arshad Ali Khan Qalaq. Ye Bole Jo Un Ko Kaha Be-murawwat is written by Arshad Ali Khan Qalaq. Enjoy reading Ye Bole Jo Un Ko Kaha Be-murawwat Poem on Inspiration for Students, Youth, Girls and Boys by Arshad Ali Khan Qalaq. Free Dowlonad Ye Bole Jo Un Ko Kaha Be-murawwat by Arshad Ali Khan Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends